2010.06.16 Чечек – пурнăç илемĕ

Мĕн пур-ши килте-çуртра чечекрен илемли?

Ăна лартса ÿстеретпĕр те эпир хамăра-хамăр кăмăллăрах та хаваслăрах, татах та çепĕçрех туйма тытăнатпăр. Чечексем, илемлĕ ÿсен-тăрансем пире çĕнĕрен те çĕнĕ вăй-хăват кÿреççĕ, кăмăл-туйăма çĕклеççĕ. Шăпах çакăн пек хăпартлану çуралать Эренарти Наталья Иваничева килне çитсен. Мĕн тĕрлĕ чечек ешермест пуль унăн çуртĕнче:  йĕпхĕн тĕслĕ кĕл чечек, фиалка, глоксини, тап-таса хризантема, пеларгони, каланхоэпе примула… Куратăп та çаксене – чун уçăлса каять.

Чечексем çитĕнтерсе Наталия Александровна çынсене ырă кăмăл, лайăх сывлăх парнелет, хавас тата савăнăç кÿрет.