2010.04.21 Тасалăх çине тимлĕх уйăратпăр

Тавралăх юртан тасалса пынă май урамсенче час-часах тĕрлĕ çÿп-çап, савăт- сапа, асăрхатăн. Ялсене хăтлăх кĕртес тĕллевпе Чăваш Сурăм ял тăрăхĕнче ака уйăхĕн пĕрремĕшĕпе çу уйăхĕн пиллĕкмĕшĕнче уйăхлăх ирттерме палăртрăмăр. Иртнĕ эрнере вырăнти хăйтытăмлăх органĕн специалисчĕсем культура ĕçченĕсем «Новый путь» ял хуçалăх предприятийĕн специалисчĕсем, пĕрле административлă çурт йĕри-тавра тасатрĕç. Ялсенчи урамсене вутă-шанкăран, строительство материалĕсенчен, çÿп-çапран тасатас тĕллевпе рейдсем ирттеретпĕр.  Ку ĕçе участок уполномоченнăйне те явăçтаратпăр.

Пуш уйăхĕн 31-мĕшĕнче «Пурнăç çулĕпе» хаçатра Петр Ефимовăн статйинче шкул канализацийĕ тĕлĕшĕпе ял тăрăхĕпе шкул администрацийĕ. Тивĕçлĕ йышăну туманнине палăртнă Ку чăнлăхпа килĕшсе тăмасть Чăваш  Сурăмĕнчи вăтам шкул канализации шывĕ пухăнмалли отстойникран каяша турттарассине йĕркеленĕ, 100 кублă метртан 86-шне тасатнă. Ĕçсем малалла та пыраççĕ.

Чăваш Сурăм шкулĕн директорĕ М.Н. Яковлев çу кунĕсенче канализаци шывĕ пухăнакан отстойника юсаса çĕнетесшĕн. Халĕ Чăваш Сурăмĕнче экологи тĕлĕшĕнчен нимĕнле хăрушлăх та çук.